రణ్‌బీర్-ఆలియా పెళ్లి ఎప్పుడు?

బాలీవుడ్ స్టార్ హీరోహీరోయిన్లు రణ్‌బీర్ కపూర్, ఆలియా భట్ వివాహం గురించి బాలీవుడ్ మీడియాలో ఎప్పటికప్పుడు వార్తలు వస్తూనే ఉంటాయి. 2017 నుంచి వీరిద్దరూ డేటింగ్‌లో ఉన్నారు. ఈ ఏడాది డిసెంబర్‌లో వీరిద్దరూ పెళ్లి పీటలు ఎక్కుబోతున్నారని తాజాగా మరోసారి వార్తలు గుప్పుమన్నాయి. రణ్‌బీర్ తల్లి నీతూ కపూర్‌ డ్యాన్స్‌ చేస్తున్న వీడియో ఒకటి తాజాగా బయటకు రావడంతో ఈ వార్తలు మొదలయ్యాయి.

రణ్‌బీర్-ఆలియా పెళ్లికి సంబంధించిన కార్యక్రమం కోసమే నీతూ డ్యాన్స్ రిహార్సల్స్ చేస్తున్నారని జాతీయ మీడియాలో కథనాలు వచ్చాయి. అయితే ఈ ఏడాది వీరి పెళ్లి ఉండదని తెలుస్తోంది. వచ్చే ఏడాది ద్వితాయర్థంలో వీరి పెళ్లి ఉండొచ్చని సమాచారం. ఈ ఏడాది పెళ్లి చేసుకోవాలనే ఆలోచన ఈ ఇద్దరికీ లేదట. రణ్‌బీర్ తండ్రి రిషీ కపూర్ ఈ ఏడాది ఏప్రిల్‌లో మరణించిన సంగతి తెలిసిందే.