నాచియార్‌ బయోపిక్‌లో నయన్‌

విభిన్నపాత్రలతో కథానాయికగా, వైవిధ్యమైన పాత్రలతో కథానాయిక ప్రాథాన్యచిత్రాలతో తారాపథంలో దూసుకుపోతున్నారు నయనతార. తాజాగా ఆమె టైటిల్‌ పాత్రలో ఒకప్పటి మహారాణి వేలు నాచియర్‌ జీవిత కథను తెరకెక్కిస్తున్నారు. 1780-1790 మధ్యకాలంలో ఆమె శివగంగ ప్రాంతాన్ని పాలించారు. ఇండియాలో ఈస్టిండియా కంపెనీ మీద పోరాటం చేసిన తొలి రాణిగా ఆమె చరిత్రకెక్కారు. ‘తిరుట్టు పాయలే 2’ దర్శకుడు సుశీ జెన్సన్‌ ఈ చిత్రానికి దర్శకుడు. అయితే వేలు నాచియార్‌ జీవిత కథతో తమిళంలో మరో చిత్రం రూపుదిద్దుకోవడం విశేషం. 18 కె స్టూడియోస్‌ బ్యానర్‌పై రాజేంద్రన్‌ మణిమారన్‌ దర్శకత్వంలో ‘వీరమంగాయ్‌ వేలు నాచియార్‌’ పేరుతో తెరకెక్కిస్తున్నారు. దీనికి పీసీ శ్రీరామ్‌ సినిమాటోగ్రాఫర్‌. ఈ చిత్రంలో టైటిల్‌ రోల్‌ కోసం ప్రముఖ హీరోయిన్‌తో సంప్రదింపులు జరుపుతున్నారు.