నవాజుద్దీన్‌పై అత్యాచారం కేసు పెట్టిన భార్య!

ఎన్నో బాలీవుడ్ చిత్రాల్లో నటించి విలక్షణ నటుడిగా గుర్తింపు సంపాదించుకున్నాడు నవాజుద్దీన్ సిద్ధిఖీ. కొంతకాలంగా ఈయన వ్యక్తిగత సమస్యలతో బాధపడుతున్నాడు. నవాజుద్దీన్ నుంచి విడాకులు కోరుతూ ఆయన భార్య ఆలియా కోర్టుకు ఎక్కింది. ఆ తర్వాత నవాజుద్దీన్‌ సోదరుడు,  కుటుంబ సభ్యులపై కేసు పెట్టింది. 

తాజాగా నవాజుద్దీన్‌పై ఆలియా అత్యాచారం, చీటింగ్ కేసులు పెట్టింది. ఈ మేరకు ఆమె వెర్సోవా పోలీసులకు ఫిర్యాదు చేసింది. తన క్లయింట్ ఆలియా.. నవాజుద్దీన్‌పై అత్యాచారం, ఛీటింగ్ కేసుల పెట్టారని, వెర్సోవా పోలీస్ స్టేషన్‌లో రాతపూర్వకంగా ఫిర్యాదు చేశారని ఆమె తరఫు లాయర్ ఓ ప్రకటన విడుదల చేశారు.