కొత్త సంవత్సరంలో సెట్స్‌పైకి మొఘల్‌

టీ సిరీస్‌ మ్యూజిక్‌ వ్యవస్థాపకుడు, నిర్మాత దివంగత గుల్షన్‌ కుమార్‌ బయోపిక్‌ ‘మొఘల్‌’ త్వరలోనే పట్టాలెక్కనుంది. ఆమీర్‌ఖాన్‌ టైటిల్‌ పాత్రలో నటిస్తున్నారు. ఈ చిత్రం ప్రకటించిన తరువాత పలు కారణాల వల్ల షూటింగు వాయిదా పడుతూ వచ్చింది. ఈ చిత్రం ఉంటుందా లేదా అనే సందేహాలకు చెక్‌ పెడుతూ ‘‘లాల్‌సింగ్‌ చద్దా’ షూటింగు పూర్తయిన తర్వాత ఆమీర్‌ఖాన్‌ ‘మొఘల్‌’ సెట్‌లోకి అడుగుపెట్టనున్నారు. కొత్త సంవత్సరంలో లేదావచ్చే ఏడాది మధ్యలో ఈ చిత్రం సెట్స్‌పైకి వెళుతుంది’’ అని టీ సిరీస్‌ అధిపతి భూషణ్‌కుమార్‌ తెలిపారు. ఆమీర్‌ఖాన్‌ ఈ చిత్రానికి సహనిర్మాతగా వ్యవహరిస్తున్నారు.