‘కె.జి.యఫ్ 2’ రిలీజ్ డేట్ ఫిక్స్
ABN , First Publish Date - 2020-03-13T23:26:46+05:30 IST
కైకాల సత్యనారాయణ సమర్పణలో హోంబలే ఫిలిమ్స్ బ్యానర్పై ప్రశాంత్ నీల్ దర్శకత్వంలో విజయ్ కిరగందూర్ భారీ బడ్జెట్‌తో అంచనాలకు ధీటుగా ‘కె.జి.యఫ్ చాప్టర్ 2‘ చిత్రాన్ని నిర్మిస్తున్నారు. ఈ సినిమాను అక్టోబర్ 23న విడుదల చేస్తున్నారు.
అటు అభిమానులు, ఇటు ప్రేక్షకుల్లో భారీ అంచనాలను క్రియేట్‌ చేసిన ‘కె.జి.యఫ్ చాప్టర్ 1’కి కొనసాగింపుగా ‘కె.జి.యఫ్ చాప్టర్ 2‘ రూపొందుతోన్న సంగతి తెలిసిందే. కైకాల సత్యనారాయణ సమర్పణలో హోంబలే ఫిలిమ్స్ బ్యానర్పై ప్రశాంత్ నీల్ దర్శకత్వంలో విజయ్ కిరగందూర్ భారీ బడ్జెట్‌తో అంచనాలకు ధీటుగా ఈ చిత్రాన్ని నిర్మిస్తున్నారు. ప్రముఖ నిర్మాణ సంస్థ వారాహి చలన చిత్రం అధినేత సాయికొర్రపాటి ఈ చిత్రాన్ని తెలుగులో విడుదల చేస్తున్నారు. ఇటీవల విడుదలైన ఫస్ట్‌ లుక్‌‌కి ప్రేక్షకులు, అభిమానుల నుండి అమేజింగ్‌ రెస్పాన్స్ వచ్చింది. బాలీవు్‌డ స్టార్‌ యాక్టర్‌ సంజయ్‌ దత్‌ ఈ చిత్రంలో అధీర అనే పవర్‌ఫుల్‌ పాత్రలో నటిస్తుండగా బాలీవుడ్ నటి రవీనాటాండన్ కీలక పాత్రలో నటిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతుంది. అన్నీ కార్యక్రమాలను పూర్తి చేసి ఈ ఫాన్ ఇండియా చిత్రాన్ని దసరా సందర్భంగా అక్టోబర్ 23న ప్రపంచ వ్యాప్తంగా విడుదల చేస్తున్నారు.
రాకీ భాయ్‌గా యష్ రాకింగ్‌ పెర్ఫామెన్స్‌ చేయనున్న ఈ చిత్రంలో శ్రీనిధి శెట్టి హీరోయిన్‌గా నటిస్తుంది. ఈ చిత్రానికి రవి బస్రూర్‌ సంగీతం .. భువన్‌ గౌడ సినిమాటోగ్రఫీ అందిస్తున్నారు.