కృష్ణ, ఎస్వీఆర్.. 'కత్తుల రత్తయ్య'కు 48 ఏళ్ళు
ABN , First Publish Date - 2020-10-27T04:15:42+05:30 IST
సూపర్ స్టార్ కృష్ణ, విజయనిర్మల, ఎస్వీ రంగారావు ప్రధాన తారాగణంగా రూపుదిద్దుకున్న 'కత్తుల రత్తయ్య' చిత్రం 48 ఏళ్లు పూర్తి చేసుకుంది
![కృష్ణ, ఎస్వీఆర్.. 'కత్తుల రత్తయ్య'కు 48 ఏళ్ళు](https://media.chitrajyothy.com/appimg/galleries/2020102610400964/10262020224344n89.jpg)
సూపర్ స్టార్ కృష్ణ, విజయనిర్మల, ఎస్వీ రంగారావు ప్రధాన తారాగణంగా రూపుదిద్దుకున్న 'కత్తుల రత్తయ్య' చిత్రం 48 ఏళ్లు పూర్తి చేసుకుంది. 26 అక్టోబర్, 1972లో ఈ చిత్రం విడుదలైంది. ఈ చిత్రం అప్పట్లో మంచి విజయాన్ని అందుకుంది. శ్రీ ఉమా ప్రొడక్షన్స్ బ్యానర్పై ఎన్.ఎన్. భట్ నిర్మించిన ఈ చిత్రానికి కె.ఎస్.ఆర్. దాస్ దర్శకుడు. విఎస్ఆర్ స్వామి సినిమాటోగ్రఫీ అందించగా.. విశ్వప్రసాద్ కథ, మాటలు అందించారు. ఇక సత్యం సంగీతంలో రూపుదిద్దుకున్న ఈ చిత్రంలోని 'ఓహోహో చేమంతి వయ్యారి పూబంతి..', 'రత్తయ్య మామా రంజైన మామా..', 'ఎంతో మంచిరోజు సంతోషించే రోజు'.. వంటి పాటలు ఇప్పటికీ అక్కడక్కడ వినబడుతూనే ఉంటాయి.
![](https://media.chitrajyothy.com/appimg/galleries/2020102610400964/10262020224450n1.jpg)