`కిన్నెరసాని`తో వస్తున్న మెగా అల్లుడు!
ABN , First Publish Date - 2020-11-14T18:02:20+05:30 IST
మెగాస్టార్ చిరంజీవి అల్లుడిగా ఇండస్ట్రీలో అడుగుపెట్టిన కళ్యాణ్ దేవ్ హీరోగా డైరెక్టర్ రమణ తేజ రూపొందించబోతున్న సినిమా టైటిల్‌ను తాజాగా ప్రకటించారు.
మెగాస్టార్ చిరంజీవి అల్లుడు కళ్యాణ్ దేవ్ హీరోగా డైరెక్టర్ రమణ తేజ రూపొందించబోతున్న సినిమా టైటిల్‌ను తాజాగా ప్రకటించారు. ఈ సినిమాకు `కిన్నెరసాని` అనే టైటిల్‌ను ఫిక్స్ చేశారు. సాయి రిషిక సమర్పణలో ఎస్.ఆర్.టి ఎంటర్టైన్మెంట్స్, శుభమ్ ఎంటర్టైన్మెంట్స్ బ్యానర్స్‌పై రామ్ తళ్లూరి ఈ చిత్రాన్ని నిర్మిస్తున్నారు. దీపావళి పర్వదినాన్ని పురష్కరించుకుని తాజాగా ఈ సినిమా టైటిల్ లుక్ పోస్టర్‌ని విడుదల చేశారు.
ఈ టైటిల్ పోస్టర్ డిఫరెంట్ కాన్సెప్ట్‌తో ఆకట్టుకునే రీతిలో ఉంది. సముద్రపు ఒడ్డున ఒక పుస్తకానికి గొలుసుతో తాళం వెయ్యడాన్ని టైటిల్ పోస్టర్‌లో చూపించారు. మహతి సాగర్ ఈ చిత్రానికి సంగీతం సమకూర్చనున్నారు. ఈ చిత్రం త్వరలోనే సెట్స్ మీదకు వెళ్లబోతోంది.
Read more