కాజల్ గురించి ఈ విషయం మీకు తెలుసా?

కాజల్ అగర్వాల్.. దాదాపు స్టార్ హీరోలందరితో నటించిన హీరోయిన్. ప్రస్తుతం ఆమె పని అయిపోయింది అనుకుంటున్న సమయంలో మళ్లీ భారీ బడ్జెట్ సినిమాల్లో అవకాశాలు సాధిస్తూ.. అందరినీ ఆశ్చర్యపరుస్తోంది. ప్రస్తుతం ఆమె చేతిలో శంకర్-కమల్ హాసన్ ‘ఇండియన్ 2’, కొరటాల-మెగాస్టార్ చిరు ‘ఆచార్య’ సినిమాలుండగా, ఇంకా తేజ చేస్తున్న ఓ చిత్రంలో కూడా ఆమె నటిస్తున్నట్లుగా వార్తలు వస్తున్నాయి. అయితే కాజల్ అగర్వాల్ ఇటీవల ఓ ఇంటర్వ్యూలో ఎవరికీ తెలియని ఓ విషయం బయటపెట్టింది. ఆమె హీరోయిన్ కాకముందు నుంచే ఎంతో కష్టపడేదట. చిన్నప్పుడే అందరికీ భవిష్యత్‌పై కొంత ఆలోచన ఉంటుంది. తనకి కూడా అలాంటి ఆలోచనలే వచ్చేవట. ఇలాంటి ఆలోచనలతో గందరగోళ పరిస్థితులను ఎదుర్కొన్న కాజల్.. ఎట్టకేలకు ఓ చక్కని ఆలోచనకు ఫిక్స్ అయిందట. ఏ పని చేస్తే తన మనసు సంతృప్తికరంగా ఉంటుందో అని తెలుసుకుని ఆ పనికి ఫిక్స్ అవ్వాలని అప్పటి నుంచి ఏదో ఒక పని చేస్తూనే ఉందట. 

అయితే ఆమెకి ఈ ఆలోచన వచ్చినప్పుడు వయసు ఎంతో తెలుసా? 16 సంవత్సరాలు. అప్పుడే ఆమె ఓ అడ్వర్టైజ్‌మెంట్ ఏజెన్సీలో చేరి వర్క్ చేసిందట. ఒక వైపు చదువుకుంటూనే ప్రతి వేసవికి ఏదో ఒక వర్క్ చేస్తూ.. ఫైనల్‌గా హీరోయిన్ అయిన తర్వాత నటనలో.. తన సంతోషాన్ని కనుగొందట. అందుకే సాధ్యమైనంతకాలం నటించడానికి ట్రై చేస్తానని ఆమె చెప్పుకొచ్చింది.