‘ఆర్జీవి’ తో జొన్నవిత్తుల
ABN , First Publish Date - 2020-02-14T09:27:44+05:30 IST
గీత రచయిత జొన్నవిత్తుల మరోసారి మెగాఫోన్ చేపట్టారు. బాల కుటుంబరావు పొన్నూరి నిర్మించే ‘ఆర్జీవి’ చిత్రానికి ఆయన దర్శకత్వం వహిస్తున్నారు. ‘కార్తికేయ’ చిత్ర నిర్మాత వెంకట శ్రీనివాస్...
![‘ఆర్జీవి’ తో జొన్నవిత్తుల](https://media.chitrajyothy.com/appimg/galleries/2020021403554828/02142020035739n4.jpg)
గీత రచయిత జొన్నవిత్తుల మరోసారి మెగాఫోన్ చేపట్టారు. బాల కుటుంబరావు పొన్నూరి నిర్మించే ‘ఆర్జీవి’ చిత్రానికి ఆయన దర్శకత్వం వహిస్తున్నారు. ‘కార్తికేయ’ చిత్ర నిర్మాత వెంకట శ్రీనివాస్ బొగ్గరం చిత్ర సమర్పకుడు. ఇటీవల ఈ చిత్రం షూటింగ్ సంస్థ కార్యాలయంలో లాంఛనంగా మొదలైంది. ఈ సందర్భంగా జొన్నవిత్తుల మాట్లాడుతూ ‘ప్రస్తుత సమాజంలో కొందరు వ్యక్తులు స్వేచ్ఛ పేరుతో యువతను తప్పుదోవ పట్టించే భావజాలాన్ని ఓ సిద్ధాంతంలా ప్రచారం చేస్తున్నారు. దీని వల్ల సమాజానికి కలిగే నష్టాన్ని ఒక ఆసక్తికరమైన చిత్రంగా రూపొందిస్తున్నాను. ఈ చిత్రం పిచ్చెక్కించే వినోదంతో పాటు అటువంటి వాళ్లకు పిచ్చి తగ్గించే ఔషధం అవుతుంది మార్చి మొదటి వారంలో షూటింగ్ ప్రారంభిస్తాం’ అని తెలిపారు.