మేనల్లుడికి మెగా ఆశీస్సులు వచ్చేశాయ్..
ABN , First Publish Date - 2020-12-24T04:17:48+05:30 IST
థియేటర్లు తెరుచుకున్నా.. కరోనా భయంతో ప్రేక్షకులు థియేటర్లకు వస్తారా? రారా? అనే అనుమానాలు ఉన్న తరుణంలో ధైర్యంగా మెగా మేనల్లుడు సాయితేజ్ తన 'సోలో బ్రతుకే సో బెటర్' సినిమాతో
![మేనల్లుడికి మెగా ఆశీస్సులు వచ్చేశాయ్..](https://media.chitrajyothy.com/appimg/galleries/2020122310452924/12232020224703n64.jpg)
థియేటర్లు తెరుచుకున్నా.. కరోనా భయంతో ప్రేక్షకులు థియేటర్లకు వస్తారా? రారా? అనే అనుమానాలు ఉన్న తరుణంలో ధైర్యంగా మెగా మేనల్లుడు సాయితేజ్ తన 'సోలో బ్రతుకే సో బెటర్' సినిమాతో వచ్చేందుకు రెడీ అయ్యాడు. డిసెంబర్ 25న ఈ చిత్రం థియేటర్లలో విడుదలయ్యేందుకు అన్ని కార్యక్రమాలను పూర్తి చేసుకుంది. ఈ సినిమాకు ఎటువంటి రెస్పాన్స్ వస్తుందని కాకుండా.. ఇప్పుడు ఇండస్ట్రీ అంతా.. ప్రేక్షకులు ఈ సినిమా చూడడానికి థియేటర్లకు వస్తారా? రారా? అనే దానిపైనే దృష్టి పెట్టారంటే.. ఎంతగా కరోనా ఎఫెక్ట్ సినీ ఇండస్ట్రీపై ఉందో అర్థం చేసుకోవచ్చు. ఇక ఈ సినిమా విడుదల సందర్భంగా సెలబ్రిటీలందరూ.. మేము ఈ సినిమాని థియేటర్లలోనే చూస్తామంటూ.. ప్రేక్షకులలో స్పూర్తినింపేలా ట్వీట్స్ చేస్తున్నారు. ఇండస్ట్రీ పెద్దన్నయ్య, మెగాస్టార్ చిరంజీవి.. అటు మేనల్లుడికి ఆశీస్సులు అందిస్తూనే.. చిత్ర పరిశ్రమ భవితవ్యాన్ని ఈ చిత్రం నిర్దేశిస్తుందని ట్వీట్ చేశారు.
''ఈ క్రిస్మస్కి విడుదలవుతోన్న 'సోలో బ్రతుకే సో బెటర్' చిత్ర టీమ్ అందరికీ నా శుభాకాంక్షలు. లాక్డౌన్ తర్వాత విడుదలవుతోన్న తొలి చిత్రంగా ఇది మొత్తం ఫిల్మ్ ఇండస్ట్రీకే ఒక ముఖ్యమైన సందర్భం. ఈ చిత్రానికి లభించే ఆదరణ మొత్తం చిత్ర పరిశ్రమలోనే ఒక స్పూర్తిని, స్థైర్యాన్ని కలిగిస్తుందనడంలో సందేహం లేదు. అలాగే ప్రేక్షకులందరూ బాధ్యతగా ఫేస్ మాస్క్లు ధరించి సోషల్ డిస్టెన్సింగ్ పాటిస్తూ.. ఈ చిత్రాన్ని థియేటర్స్లో ఎంజాయ్ చేయాల్సిందిగా కోరుతున్నాను. అందరూ క్షేమంగా ఉండండి..'' అని చిరంజీవి తన ట్వీట్లో పేర్కొన్నారు.