చిన్ననాటి ఫొటో షేర్ చేసిన ఆశా భోంస్లే!

గాన కోకిల లతా మంగేష్కర్ జన్మదినోత్సవం సందర్భంగా ఆమెకు సోషల్ మీడియా ద్వారా శుభాకాంక్షలు వెల్లువెత్తాయి. లత సోమవారం 91వ జన్మదినోత్సవాన్ని జరుపుకున్నారు. ఈ సందర్భంగా ప్రధాని మోదీ ట్విటర్ ద్వారా లతకు జన్మదినోత్సవ శుభాకాంక్షలు తెలిపారు. 

అలాగే లత సోదరి, ప్రముఖ గాయని ఆశా భోంస్లే తమ చిన్ననాటి జ్ఞాపకాలను పంచుకున్నారు. చిన్నప్పుడు అందరూ కలిసి తీయించుకున్న ఫొటోను ట్విటర్‌లో పోస్ట్ చేశారు. `91వ సంవత్సరంలోకి అడుగు పెడుతున్న లతా దీదీకి జన్మదినోత్సవ శుభాకాంక్షలు. ఈ ఫొటో ద్వారా మరోసారి బాల్య జ్ఞాపకాలు గుర్తుచేసుకుంటున్నా. ఎడమ వైపు కుర్చీలో కూర్చున్న వ్యక్తి లతా దీదీ. ఆమె వెనకాల నేను, మీనా నిల్చున్నాం` అని ఆశా ట్వీట్ చేశారు.