‘118’ తర్వాత మరో థ్రిల్లర్‌తో వస్తోన్న కేవి గుహన్‌

కల్యాణ్‌ రామ్‌, నివేథా థామస్‌, షాలినీ పాండే హీరోహీరోయిన్లుగా '118' వంటి స‌క్సెస్‌ఫుల్ చిత్రాన్నితెర‌కెక్కించిన ప్ర‌ముఖ సినిమాటోగ్రాఫ‌ర్ కేవి గుహ‌న్ త‌న త‌దుప‌రి చిత్రంగా మ‌రో డిఫ‌రెంట్ థ్రిల్ల‌ర్‌ని తెర‌కెక్కిస్తున్నారు. ఈ చిత్రానికి ‘డబ్ల్యూడబ్ల్యూడబ్ల్యూ’ (హూ, వేర్‌, వై) అనే టైటిల్ ఫిక్స్ చేశారు. అథిత్ అరుణ్‌, శివాని రాజ‌శేఖ‌ర్ హీరోహీరోయిన్లుగా న‌టిస్తున్న ఈ మూవీని రామంత్ర క్రియేష‌న్స్ ప‌తాకంపై డా. ర‌వి పి. రాజు ద‌ట్ల నిర్మిస్తున్నారు. చిత్రీక‌ర‌ణ పూర్తిచేసుకున్నఈ సినిమా వివరాలను నిర్మాత డా. రవి పి.రాజు దట్ల తెలిపారు.

ఈ సంద‌ర్భంగా ఆయన మాట్లాడుతూ.. ''కేవి గుహ‌న్‌గారు తెర‌కెక్కించిన 118 మూవీ ఎంత‌పెద్ద హిట్లో అందరికీ తెలిసిన విషయమే. ఇప్పుడు ఆయ‌న రెండో చిత్రంగా మరో డిఫ‌రెంట్ థ్రిల్ల‌ర్ స‌బ్జెక్ట్‌తో ‘డబ్ల్యూడబ్ల్యూడబ్ల్యూ’ మూవీని రూపొందిస్తున్నారు. రామంత్ర క్రియేష‌న్స్ బ్యాన‌ర్‌లో హై టెక్నిక‌ల్ వేల్యూస్‌తో ఈ మూవీ రూపొందుతోంది. సిమ‌న్ కె. కింగ్ సంగీత సార‌థ్యం వ‌హిస్తుండ‌గా మిర్చికిర‌ణ్ ప‌వ‌ర్‌ఫుల్ డైలాగ్స్ అందిస్తున్నారు. టెక్నిక‌ల్‌గా మంచి టీమ్ కుదిరింది. ప్రస్తుతం పోస్ట్ ప్రొడక్షన్‌ కార్యక్రమాలు జరుగుతున్నాయి. త్వ‌ర‌లోనే  టైటిల్ లోగోని విడుద‌ల‌ చేస్తాం".. అని తెలిపారు.